MARIE DOLISTOVÁ

naskiĝis en 1951 en Praha, nuntempe - jam ekde la jaro 1961 - ŝi vivas en la nordbohemia urbo Teplice. Ŝi finstudis mezan sanitaran lernejon, fakon de rehabilitado kaj laboras kiel rehabilitada flegistino en malsanulejo de Teplice. Poezion ŝi verkas jam ekde la jaro 1985.

La aŭtorinon alparolas spiritaj tradicioj en la ĉeĥa poezio, sed ankaŭ en la poezio de aliaj nacioj, naturo kaj restado en ĝi, plenigita de movo kaj kontemplado. La aŭtorino rimarkas ne nur eksterajn fenomenojn en la naturo kaj en la homa konduto, sed ŝi ankaŭ volas ekkapti ankaŭ tiun "ion" sube kaj post ĉio, ŝi perceptas mirindaĵon de estado kaj de la tuta Universo.

Kelkfoje ŝi ĉeestis en literaturaj konkursoj en nordbohemia regiono kaj ekster ĝi. Kelkaj de ŝiaj poemoj estis publikigitaj en la loka gazetaro kaj en la poezia almanako de la grupo XXVI. En la jaro  1994 estis eldonita ŝia unua kolekto de poemoj "En reto de fiŝisto" - en la eldonejo Řád en Praha, en la jaro 2000 "Kun gusto de la tero" kaj en la jaro 2002 kolekto "Surkreskitaj irvojetoj" en la eldonejo ALFA-OMEGA en Praha.  La kolektoj enhavas poemojn kun natura liriko, reflekto de la vivo kaj poemojn kun spirita orientiĝo. En la kolekto "Surkreskitaj irvojetoj" troviĝas ankaŭ du pli ampleksaj epikaj poemoj dediĉitaj al du virinoj disigitaj de si per malproksimeco de la jarcentoj - kaj tamen tiom proksimaj al si per sia heroisma humanismo, al virinoj de la ĉeĥa nacio - al sinjorino Zdislava de Lemberk de la unua duono de la 13-a jarcento kaj al doktorino Vlasta Kálalová-Lottiová de la jarcento dudeka.

 Marie Dolistová estas ankaŭ aŭtorino de la tekstoj kun biblia temaro kaj de du muzikaj libretoj. Ŝi estas anino de literatura klubo PEGAS en Mělník kaj de literatura klubo de Naďa Benešová en Čáslav.

Czech verzion

English version

Esperanta versio

Serbska wersija